eu

eu
eu

xoves, 18 de xaneiro de 2018

Libro sobre Díaz Castro





Aproveito este espazo de comunicación virtual para anunciar urbi et orbi dous actos de presentación do meu libro sobre o poeta Díaz Castro, que acaba de publicar Edicións Laiovento.

O venres 26 de xaneiro, ás 20 horas, nun acto organizado pola Libraría Cabanillas, presentareino na compaña do mestre e amigo Paco Fernández Rei en Cambados, concretamente en Exposalnés (Paseo da Calsada, s/n).

Do mesmo xeito, o xoves 1 de febreiro, ás 19.45 horas, farei a presentación na Libraría Couceiro de Santiago de Compostela (Praza de Cervantes), desta vez na compaña do poeta, crítico literario e amigo Miro Villar.

Será grato vervos nalgún destes actos, de entrada libre ata completar (quen dera!) aforo.